تنظر محكمة جنايات الجيزة، بعد قليل، أولى جلسات محاكمة عامل لاتهامه بإنهاء حياة قهوجي بسبب خلافات مالية في منطقة كرداسة.
أحالت النيابة العامة عامل لاتهامه بقتل قهوجي بسبب خلافات مالية في منطقة كرداسة للمحاكمة الجنائية أمام محكمة جنايات الجيزة.
قال شقيق المجني عليه إن تفاصيل الواقعة تعود إلى تدخل شقيقه ويعمل في مقهى لحل خلاف مالي بين المتهم وشخص آخر، لافتًا إلى أنه لم يكن طرفًا في هذا الخلاف وليس له صلة به، مضيفا أن المتهم طلب من أخويا يتصل له على شخص تاني عشان ييجي يقابله في القهوة بتاعته، وبالفعل الشخص ده جه والمتهم اتخانق معاه عشان كان بيطالبه بفلوسه اللي هما 1500 جنيه، فأخويا صعب عليه الراجل وقاله اصبر عليه شوية وهيجيبلك الفلوس.
وأكد شقيق المجني عليه أنه بعد مرور أيام قليلة توجه المتهم إلى شقيقه في المقهى وطالبه بالمال، فرد عليه شقيقه وأخبره أنه تدخل فقط لحل الخلاف وليس له علاقة به، وأن المتهم طالب أخويا بالفلوس فرد وقاله إنه مالوش دعوة، وإن الراجل هيجيب الفلوس لما يجمعها، فاتخانق معاه وشتمه وأخويا قاله أنا هرد على والدك مش عليك، وبعدها بشوية المتهم مشي وجاب معاه ناس كتير وضربوا أخويا في الشارع، والمتهم طعن أخويا تحت قلبه وخلص عليه وفارق الحياة.
