علق إبراهيم سعيد، نجم منتخب مصر السابق، على يوسف أيمن، مدافع الفريق الأول لكرة القدم بالنادي الأهلي، بعد المستوى الذي ظهرعليه في مباراة سيراميكا كليوباترا، في بطولة الدوري.
وقال إبراهيم سعيد، في تصريحات تلفزيونية :”أنا دايمًا مش بحب أجامل، خاصة لما أتكلم في الحتة الدفاعية، يوسف أيمن لاعب دولي،وكان بيلعب في أندية لها اسمها، ولكن اللعب للنادي الأهلي مختلف”.
وأضاف: “يوسف أيمن، بيلعب في منتخب قطر وكان بيلعب في نادي الدحيل، ومش أي حد يقدر يستحمل اللعب في النادي الأهلي”.
وتابع: “أنا أول مرة أشوف مدافع بيسيب مكانه وينزل مع المهاجم لوسط الملعب، دي حاجات عمري ما شوفتها، إحنا لما كنا بنلعب كورة،كانوا بيقولولنا المهاجم اللي معاك لو نزل وسط الملعب سيبه”.
وواصل: “الله يكون في عون رامي ربيعة، في المباراة اللي فاتت أول ما خرج يوسف أيمن، الدنيا ظبطت شوية، مش أي حد يبقى مدافع معاحترامي، المدافع لازم يكون عنده مقومات، ثبات انفعالي وتمركز وقرارات صح ويباصي الكرة صح ويقطع صح، يوسف أيمن، كل قراراته فيمباراة سيراميكا كليوباترا كانت غلط”.
وأكمل: “يوسف أيمن، طويل ولكن الطول عامله مشاكل لو لاعب مهاري هيعدي منه بسهولة، وده اللي كشفه في مباراة سيراميكا، هو ممكنيكون مميز في الكرات العالية لكن قراراته غلط”.
واختتم: “يوسف أيمن، ممكن يكون لاعب كويس ولكنه بيلعب في النادي الأهلي، إحنا مش جايين نختبره ونديله فرصة ممكن ندي الفرصةللاعب ناشئ أفضل، هو مش مفيد للنادي الأهلي، المدافع الكويس بيتعرف من وقفته وقراراته، المدافع اللي ميعملش كده ميبقاش مدافع،المدافع بشخصيته وقراراته”.
