وجه الإعلامي أحمد شوبير رسالة قوية بشأن مبادئ وقيم النادي الأهلي عبر حسابه الشخصي علي موقع التواصل الاجتماعي فيسبوك.
وقال شوبير خلال تصريحات فضائية عبر شاشة الأهلي : “وإحنا بنحضر لحلقة الأربعاء كنا محتارين، نخرج شوية عن سكة الأدب والاحترام والنقد الجميل البناء ولا نخش سكة قلة الأدب وعدم الاحترام ماعرفناش الصراحة ولا هنعرف، علشان الأهلي طبيعته كدة، محدش يعرف يخرج فيه عن النص”.
وتابع: “اللي في الأهلي اتربوا على الأدب، واللي بينضم للأهلي بيتعلم الأدب والمبادئ، واللي بيخرج عن النص في الأهلي بيخرج بلارجعة، أيا كان اسمه أو مهارته، علشان مسيرة الأهلي دايما مش بتتعثر ولا بترتكز على شخص بعينه”.
