علق الإعلامي الرياضي إبراهيم عبد الجواد، على تصريحات إمام عاشور لاعب النادي الأهلي، واعتذاره للجمهور عقب المشادة بينه وبين كابتن الفريق محمد الشناوي.
وقال إبراهيم عبد الجواد خلال تصريحات تليفزيونية: “الاعتذار من شيم الكبار ولكن عندي 5 نقط حابب أقولها تعليقا على اعتذاره، العبرة بالملعب وليس بالتريندات الرخيصة، هتلعب وتجيب بطولات للنادي الأهلي الجمهور هيشيلك فوق دماغه”.
وتابع: “بلاش جو التلقيح بتاع الحته التانية والتالتة لو ملكش حق في الحته التانية مش هيبقى خير في حد، لأن الحته التانية هي اللي خلتك تروح منتخب مصر وتحترف وخلت النادي الأهلي يشتريك”.
ووجه إمام عاشور لاعب النادي الأهلي، رسالة للجمهور عقب توقيع عقوبة مليون جنيه من جانب النادي.
وقال إمام عاشور في ستوري عبر صفحته الشخصية على موقع تبادل الصور والفيديوهات إنستجرام: “أولا.. كل الاحترام والتقدير لزمايلي وكل منظومة الفريق من الكبير للصغير.. وانا بعتذر عن أى خطأ زعل حد مني. ومتقبل للعقوبة وده شيء طبيعي .. لأن الفرق بين هنا وأى حتة تانية كبير أوي.. للأسف فاكرين بالفبركة على السوشيال والتصريحات الكذب على لسان أخويا ممكن يأثروا على علاقتي بالأهلي وجمهوره .. ده مش هيحصل أنا فخور بالأهلي.. وممتن جدا بدعم ومساندة جمهور الأهلي “”أعظم جمهور في الكون” . وبإذن الله طموحاتي وأحلامي هتتحقق هنا في الأهلي”.
