تأثر الفنان محمد القس، خلال ظهوره في فيديو تخيلي له في المستقبل وهو يوجه رسالة لنفسه ببرنامج “حبر سري”، وأمسك دموعه قائلا: “شكلي في المستقبل يشبه أبويا الله يرحمه وآخر 20 سنة في حياتي مكنتش عايش مستقر بحكم الشغل والسفر علطول”.
وأضاف محمد القس، خلال لقاء مع الاعلامية اسما ابراهيم، المذاع على قناة القاهرة والناس، “أن المشكلة أنك تبدأ لوحدك تتأقلم مع الوحدة ومش عارف الاحساس ده جاي منين وايه سببه ولكن أنا ممتن لكل حاجة من لله، ورحت لطبيب نفسي واعطاني حبوب لعلاج هذه الأزمة”.
وتابع: “كنت بحاول اتعالج وبعدين اكتشفت ان الحبوب مش بتعمل حاجة وهو احساس متعب وهتغلب عليه ويمكن في أقدار ناس ربنا مقدر لهم يعيشوا لوحدهم، وساعة الوحدة أفضل من العيشة وسط حياة كلها نفاق وأحيانا تحيط نفسك بناس صعب تطلب منهم يفهموا وصعب هما يفهموك”.
وكان كشف الفنان محمد القس، تفاصيل جديدة عن حياته الشخصية وبدايته في عالم الفن، مشيرا إلى أن أسرته انتقلت للعيش في المملكة العربية السعودية وهو في سن السابعة.
واضاف الفنان محمد القس، “حسيت ان الناس بتضحك على حاجات بقولها، وبعد ما خلصت ثانوية عامة، رجعت سوريا تاني، ومجموعي كان 75%، ودخلت حاجة اسمها معهد قابلة اجتماعية”.
واكمل الفنان محمد القس: “اشتغلت في السوق، وأول زبونة اتعاملت معاها كنت متوتر، الزبونة التانية قالتلي إفيه من مسلسل عندنا اسمه مرايا، لـ ياسر العظمة، فقلدته، وبدأت اعمل ده مع الزبائن، وبقى ده مسرحي الأول”.
