تستكمل محكمة جنح قسم الجيزة غدا محاكمة المخرج عمر زهران في اتهامه بسرقة مجوهرات شاليمار الشربتلي زوجة المخرج السينمائي خالد يوسف.
القصة الكاملة لقضية المخرج عمر زهران وشاليمار
ويتساءل عدد من انصار المخرج عمر زهران عن حضور المخرج السينمائي خالد يوسف وزوجته الفنانة التشكيلية شاليمار الشربتلي للمثول امام المحكمة لسؤالهما حول اتهام شاليمار لصديقها عمر زهران بسرقة مجوهراتها.
وخلال الجلسة الماضية فجر محمد حمودة دفاع المخرج عمر زهران مفاجأة خلال تقديم طلباته امام هيئة المحكمة وأصر حمودة على طلبه بتفريغ هاتفين محمولين ملك المتهم عمر زهران لاحتواءهما على تسجيلين صوتيين مرسلين اليه من شاليمار الشربتلي تتضمن تهديد فقام عمر بالرسالها الى صديق له يدعى مهاب قائلا له:”بص يا مهاب الرسايل دي انا بتهدد”.
واضاف الدفاع ان تلك الرسائل دليل واضح على كيدية الاتهام كما ان الهاتف تضمن رسائل صوتية بتهديد هالة صدقي وعمر زهران قالت فيها شاليمار الشسربتلي لهما:”هوريكم خالد يوسف هيعمل فيكم ايه”، وطلب محمد حمودة من هيئة المحكمة الاستماع لتلك التسجيلات الصوتية مبديا ثقته في عدالة المحكمة مطالبا القاضي بتحقيق الحق والعدل.
واستمعت المحكمة لطلبات محمد حمودة المحامي دفاع عمر زهران واعلن حمودة عن الادعاء مدنيا ضد شاليمار الشربتلي بمبلغ 3 ملايين جنيه وواحد كما طلب استدعاء المجني عليها زوجة خالد يوسف واستدعاء المحاسب المالي الخاص بها لتواجده في الشقة مع عمر زهران باعتباره شاهد الاثبات في القضية ومواجهته بالمتهم.
وطلب الدفاع بالزام شاليمار الشربتلي بتقديم فواتير تثبت ملكيتها للمجوهرات التي ادعت سرقتها حتى يثبت الدفاع في حال تزويرها باتخاذ الاجراءات القانونية وطلب تفريغ الهاتفين المحمولين الخاصين بالمتهم المخرج عمر زكريا.
وفي الجلسة الماضية سرد المخرج عمر زهران تفاصيل بداية الامر حيث قال المخرج: خالد يوسف قالي فيه مجوهرات كتير ضايعة من مراتي قلتله مراتك مهملة وكلنا عارفين كده وانت بتقول ان الحاجات دي كانت في شقة الفورسيزون دي شقة عبارة عن مخزن اكيد الحاجة دي ضايعة وسط الكركبة دور عليها كويس، واضاف: اتفاجئت ان شاليمار طلبت مني اروح ادور معاه رفضت وخالد يوسف كرر الطب رفضت للمرة الثانية مكنتش فاهم اصرارهم اني ادور معاهم على حاجات ضايعة في شقتهم الخاصة وروحت مرة دورت مع شاليمار ومعاها 2 شغالين معاها وساعتها خالد يوسف كان مصمم يعرف احنا دورنا فين بالظبط قلتله على كل الاماكن الا غرفة كانت مقفولة”
قرر خالد يوسف انه يدور في الغرفة دي بس أصر اني اروح ومش فاهم ليه وكلمني وانا بصلي الجمعة وبعد عدة اتصالات منه روحت وانا لابس جلابية الصلاة وبدأت أدور في الغرفة المقفولة لحد ما فتحت دولاب لقيت شنطة في وشي فتحناها كانت مليانة مجوهرات”.
اضاف المخرج قائلا: ولما شاليمار شافت الحاجات دي طلعت غير الحاجات اللي قالت اتسرقت يعني انا لو عايز اسرق حاجة ما الشنطة دي كانت ادامي وفيها ساعة الملكة فريدة اشترتها شاليمار من مزاد علني، وكمان شاليمار بتقول اني سرقت منها حاجات بـ 250 مليون جنيه ولما معرفتش ابيعها عشان هي حاجات غالية ونادرة رجعتلها حاجات بـ 200 مليون واحتفظت بمجوهرات بـ 50 مليون.. ووجه حديثه للقاضي قائلا: معلش يا فندم هو انا حمـ.ـار عشان اعمل كده ارجع حاجات سرقتها وافضح نفسي طيب ما كنت رميتها في النيل”
وأكد المخرج الشهير قائلا:”كل الناس واصحابنا عارفين ان شاليمار الشربتلي ماشية ورا المشعوذين والدجالين وهي قالتلي ان واحدة مشعوذة فتحت الكوتشينة وقالتلها ان انا اللي سرقتها وكانت عايزاني افتح المندل وطلبت مني اجيب واحد مبروك يساعدنا في البحث عن مجوهراتها.. هو ده كلام يتهموني على اساسه واتحبس وانا راجل مريض قلب وسكر وعجوز كمان يعني اتحبس بسبب مشعوذة وراجل مبروك”
