كشف حسين ياسر المحمدى نجم النادي الأهلي والزمالك السابق كواليس رحيله عن القلعة الحمراء وغضب البرتغالي مانويل جوزيه منه.
قال حسين ياسر المحمدى عبر تصريحات تليفزيونية : عدلى القيعى جالى بلجيكا ومضيت ومحدش كان يعرف.
أضاف حسين ياسر المحمدي: ولما جيت الاهلى اتفاجئت ان جوزيه مطلبنيش ودخل فى حوار مع الادارة بسببى.
تابع حسين ياسر المحمدي : وبعدها كان الجمهور ديما بيندهنى فى المباريات علشان العب وكمان الإعلام كان بيتكلم انى ألعب وجالى جوزيه وقالى طول ما الجمهور بيندهلك والاعلام عايزك تلعب – فأنا مش هلعبك.
وعن تفاصيل رحيله إلي الزمالك؟ قال حسين ياسر المحمدي:
دفعت الشرط الجزائى للأهلى وقولتلهم انا عايز ألعب فى اوروبا وروحت على بلجيكا بالفعل يومين ورجعت على الزمالك.
واصل حسين ياسر المحمدى: كنت متفق مع الزمالك ومضيت وانا في بلجيكا وأنا كنت متفق مع الزمالك وهما اللى ادونى الشرط الجزائى.
