علق ابراهيم عبدالجواد علي عقوبات نادي الزمالك عبر تصريحاته ببرنامجه ملعب اون.
وقال عبد الحواد : عقوبات ثلاثي الزمالك كلمة هزيلة قليلة عليها، 20 ألف جنيه؟ جزمة الكورة اللي بيجبها اللعيب أغلى من الرقم ده ، تاني حاجة انت على أي اساس طلعت العقوبات النهاردة؟ يعني لو مكانش حصل حبس كانوا هيلعبوا ماتش الفاينل عادي؟ دا انت لحد دلوقتي عقوبات ماتش الزمالك والمصري وماتش الأهلي وبيراميدز مطلعتش، للاسف عقوبات هزلية زي ما قلنا وبتكون سبب في تكرار الخطأ لان من امن العقاب اساء الادب.
وأضاف “ انا كنت شاهد على اللي حصل من ارض الملعب لكن مرضتش اتكلم واللعيبة دول في ازمة في الامارات، لكن دلوقتي ينفع نتكلم عشان ده ميتكررش تاني، انا كنت قاعد في استوديو الماتش في الملعب، لقيت مصطفى شلبي بيلف واسبرينت معملوش في الماتش ورايح يصْرب الراجل! ومكتفاش بكده ده الاستوري اللي نزله كان سبب في شعللة الموضوع وزيادته”.
