وجهت الإعلامية نهال طايل، خلال تقديمها برنامج “تفاصيل”، المُذاع عبر فضائية “صدى البلد 2″، الشكر لـ صبري عثمان، مدير عام الإدارة العامة لنجدة الطفل، بعد استجابته برنامج تفاصيل بشأن استغاثة فرح وطفلها.
وقال صبري عثمان، للإعلامية نهال طايل، خلال مداخلة هاتفية: “إحنا بنحاول نساعد على قد ما نقدر مع حضرتك، ولكي الفضل في إنك تعرضي المشاكل”، لافتا: “رصدنا الواقعة التي تم عرضها وتم تسجيل البلاغ”.
وأضاف صبري عثمان، مدير عام الإدارة العامة لنجدة الطفل،: “سنتواصل مع فرح وسنكمل الإجراءات معها لتنفيذ حكم الحضانة وفقا لقانون الأحوال الشخصية، وسيتم اتخاذ الإجراءات القانونية”.
معرفش عنه حاجة| فرح تنهار في البكاء: زوجي حرمني من ابني ونفسي أشوفه
تناولت الإعلامية نهال طايل، خلال تقديمها برنامج “تفاصيل”، المُذاع عبر فضائية “صدى البلد 2″، مأساة “فرح” حيث حرمها زوجها من حقوقها وطفلها.
وانهارت فرح في البكاء وهي تروي مأساتها مع زوجها، قائله: “تعبانه علشان خاطر ابني، محتاجه ابني جنبي مش محتاجه تاني غير كدا، زوجي أخده مني ومعرفش عنه أي حاجه ولا عارفه بياكل إيه ولا بيشرب إيه.. ابني وحشني ونفسي أشوفه”.
وأضافت: “كله بقى ضدي أهله كلهم بقوا ضدي”، مشيرة: “اتجوزت من 4 سنين، وأنا في 2 كليه اتجوزت، وزوجي اتقدملي عن طريق حد قريبي، اتخطبت لمدة 4 شهور”.
وتابعت: “زوجي في البداية كان شخص آخر في فترة الخطوبة، وكان بيتكلم بيصلي الوقت بوقته، واطلقت منه علشان بيعمل حاجات حرام، وكان بيكلم بنات كتير، وكان بيعمل حاجات حرام وأنا نايمه جنبه على السرير، وكان بيفطر في رمضان”.
وأشارت: “زوجي طلب مني يعمل معايا علاقة غير شرعية، ولما رفضت قالي المتزوجين كلهم بيعملوا كدا، قولتله عمري ما أعمل حاجه حرام”، موضحه: “لما اشتكيت لوالدته قالتلي حرام عليكي متتبليش عليه لأنهم بيخافوا منه علشان هو عصبي”.
