وقفت حنان أمام محكمة الأسرة في الكيت كات طالبة الخلع من زوجها، بسبب مقارنته المستمرة لتصرفات وأفعال جارتهم مع زوجها، وعدم إعجابه بأي تصرف منها، حتى وصلت بينهما المشاكل لتركها المنزل وطلب الطلاق وحينما رفض لجأت الى محكمة الأسرة طالبة الخلع منه.
سردت حنان قصتها مع زوجها تفصيليا من بدايتها قبل ٤ سنوات وشهور قليلة، حيث قالت إنها تزوجت من أحد أقارب والدتها بعد تقدمه للزواج منها وموافقة أسرتها وكانت الأمور بينهما طبيعية، الا أنه وبعد مرور ٣ سنوات على الزواج بدأ في مقارنتها بجارتها زوجة صديقه والتي تعامل زوجها بطريقة مختلفة عن معاملتها له.
وقالت حنان عن قصتها: “من حوالي ٥ سنين اتقدم لي واحد من قرايب والدتي وعشان سني كان عدى ٣٢ سنة وافقت وأسرتي وافقت وفي الوقت ده اتخطبنا بس ٣ شهور وكل حاجة كانت جاهزة وهو أكبر مني بـ ٥ سنين، وفي بداية الزواج مكنش فيه مشاكل بيني وبينه كتير، لكن بعد ما عدى ٣ سنين على الزواج بدأت المشاكل تكتر وهو مبقاش طبيعي وبيقف على حاجات عادية ويمكن كمان تكون تافهة”.
وأكملت حنان في قصتها: “آخر سنة بيني وبين زوجي كانت كلها مشاكل والسبب أنه كان كل حاجة بعملها أو بقولها يقولي شوفي مرات كذا بتعمل ايه، وأي تصرف منها يقولي مش بتعملي كدة ليه، كل ما نشوفها يقولي مش بتلبسي زيها ليه، لحد ما زهقت من طريقته وروحت بيت أهلي وفضلت أمشي واتصالح ٨ شهور لحد ما زهقت من الحياة دي”.
واختتمت حنان قصتها قائلة: “في النهاية طلبت منه الطلاق، لكنه رفض وحاولت معه كان دايما رافض، روحت محكمة الأسرة وطلبت الخلع”.
